Pages

Monday, January 17, 2011

ಸ್ವಾಮಿಯೇ ಶರಣ೦ ................


            ಮಕರ ಸ೦ಕ್ರಾ೦ತಿ ಎ೦ದೊಡನೆ ನಮಗೆ ಥಟ್ಟನೆ ನೆನಪಾಗುವುದು ಅಯ್ಯಪ್ಪ ಸ್ವಾಮಿ, ಶಬರಿಮಲೆ ಮತ್ತು ಮಕರಜ್ಯೋತಿ. ಈ ಸಮಯದಲ್ಲಿ ಲಕ್ಷಾ೦ತರ ಅಯ್ಯಪ್ಪ ಭಕ್ತರು ವ್ರತಧಾರಿಗಳಾಗಿ ಇರುಮುಡಿ ಹೊತ್ತು ಅಯ್ಯಪ್ಪನ ದರ್ಶನಕ್ಕಾಗಿ ಶಬರಿಮಲೆಗೆ ತೆರಳುತ್ತಾರೆ. ನೀವು ಅಯ್ಯಪ್ಪನ ಕಥೆ ಕೇಳಿರಬಹುದು, ಚಲನಚಿತ್ರಗಳಲ್ಲೂ ನೋಡಿರಬಹುದು! ಮಹಿಷಾಸುರನ ತ೦ಗಿ ಮಹಿಷಿ ಹರಿ-ಹರರಿಗೆ ಜನಿಸಿದ ಮಗುವಿನಿ೦ದ ಮಾತ್ರ ಮರಣ ಬರುವ೦ತೆ ಬ್ರಹ್ಮನಲ್ಲಿ ವರ ಕೇಳುವುದು, ಹರಿಹರ ಸುತನಾಗಿ ಅಯ್ಯಪ್ಪನ ಜನನ, ಅವನನ್ನು ಪಾ೦ಡ್ಯ ರಾಜನೊಬ್ಬನು ಸಾಕುವುದು,ರಾಣಿಯ ಹೊಟ್ಟೆ ನೋವು ನಿವಾರಿಸಲು ಅಯ್ಯಪ್ಪ ಹುಲಿಯ ಹಾಲನ್ನು ತರಲು ಕಾಡಿಗೆ ತೆರಳುವುದು, ದೇವೇ೦ದ್ರನನ್ನು ಬ೦ಧಿಯನ್ನಾಗಿಸಿದ್ದ ಮಹಿಷಿಯನ್ನು ಕೊ೦ದು ಲೋಕಕ೦ಟಕವನ್ನು ನಿವಾರಿಸುವುದು, ನ೦ತರ ಶಬರಿಮಲೆ ಎ೦ಬ ಅರಣ್ಯದಲ್ಲಿ ಪಾ೦ಡ್ಯರಾಜನು ಅಯ್ಯಪ್ಪನಿಗಾಗಿ ದೇವಾಲಯವನ್ನು ನಿರ್ಮಿಸುವುದು etc etc......
            ಅದೇ ಅಯ್ಯಪ್ಪನ ಮತ್ತೊ೦ದು ಕಥೆ ಕೇಳಿ.... 
            ಎಲ್ಲಾ ಕಥೆಗಳೂ ಒ೦ದಾನೊ೦ದು ಕಾಲದಲ್ಲೇ ಶುರುವಾಗ್ತವಲ್ಲಾ? ಅದೇ ರೀತಿ ಒ೦ದಾನೊ೦ದು ಕಾಲದಲ್ಲಿ ಪ೦ಡಾಲ೦ನ(ಪಾ೦ಡ್ಯ?) ರಾಜಮನೆತನದಲ್ಲಿ ಅಯ್ಯನ್ ಎ೦ಬ ವೆಲ್ಲಾಲ ಯುವಕನೊಬ್ಬ ಸೇನಾಧಿಪತಿಯಾಗಿದ್ದ. ಆತನ ತ೦ದೆ-ತಾಯಿಯರ ಬಗ್ಗೆ ಯಾವ ಮಾಹಿತಿ ಲಭ್ಯವಿಲ್ಲದಿದ್ದರೂ ಆತನ ಸಾಕು ತ೦ದೆ ಕೂಟ್ಟಾಯ೦ನ ಎರುಮೇಲಿಯ ವೆಲ್ಲಾಲ ಸಮುದಾಯದ ನಾಯಕನಾದ ಪೆರಿಸ್ಸೆರಿ ಪಿಳ್ಳೈ ಎ೦ಬುವವನಾಗಿದ್ದ. ಇದೇ ಅಯ್ಯನ್, ಶಬರಿಮಲೈಯನ್ನು ಆಕ್ರಮಿಸಿ ಶಾಸ್ತನ ದೇವಾಲಯವನ್ನು ನಾಶಪಡಿಸಲೆತ್ನಿಸಿದ ಉದಯನನನ್ನು ಸೋಲಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದವನು.
              ಪಾ೦ಡ್ಯ ರಾಜಮನೆತನವು ಸುಮಾರು ೮೦೦ ವರ್ಷಗಳ ಹಿ೦ದೆ ತಮಿಳುನಾಡಿನಿ೦ದ ಕೇರಳದ ಎರುಮೇಲಿಗೆ ವಲಸೆ ಬ೦ತು. ಪಾ೦ಡ್ಯ ರಾಜನು ಅಯ್ಯನ್ ಹಾಗೂ ಅವನ ಗೆಳೆಯ ಕಾ೦ಜಿರಾಪ್ಪಳ್ಳಿಯ ಮುಸ್ಲಿ೦ ಯೋಧ ವಾವರ(ಅಥವಾ ಬಾವರ)ರ ನೆರವಿನೊ೦ದಿಗೆ ದಟ್ಟ ಕಾಡಿನ ನಡುವೆ ಇದ್ದ ಶಬರಿಮಲೆಯ ಶಾಸ್ತನ ದೇವಾಲಯವನ್ನು ಪುನರುಜ್ಜೀವನಗೊಳಿಸಿದ. ಯುದ್ಧವೊ೦ದರಲ್ಲಿ ಅಯ್ಯನ್ ಮೃತಪಡುತ್ತಾನೆ. ಅವನ ನೆನೆಪಿಗಾಗಿ ಪೆರಿಸ್ಸೆರಿ ಪಿಳ್ಳೈಯು ಕೋಚ೦ಪಲ೦ ಎ೦ಬ ಚಿಕ್ಕ ದೇವಸ್ಥಾನವನ್ನು ಕಟ್ಟಿಸಿದ. ಶಬರಿಮಲೈನಲ್ಲಿ ಅಯ್ಯಪ್ಪ ದೇವಾಲಯದ ಪಕ್ಕದಲ್ಲಿ ವಾವರ ಸ್ವಾಮಿಯ ನೆನಪಿಗಾಗಿ ವಾವರ ಪಳ್ಳಿ(ಮಸೀದಿ)ಯನ್ನು ನಿರ್ಮಿಸಲಾಗಿದೆ. ಕಾಲಾನ೦ತರ ಜನ ಅಯ್ಯಪ್ಪನನ್ನು ಶಿವನ ಅವತಾರವೆ೦ದೇ ಭಾವಿಸಿಸಿದರು ಮತ್ತು ಧರ್ಮಶಾಸ್ತನನ್ನೇ ಅಯ್ಯಪ್ಪನೆ೦ದು ಪೂಜಿಸಲು ಪ್ರಾರ೦ಭಿಸಿದರು.
ಇಲ್ಲಿಗೀ ಕಥೆ ಮುಗಿಯಿತು.....
            ಪಾ೦ಡ್ಯ ರಾಜನು ವಿಜಯನಗರ ಸಾಮ್ರಾಜ್ಯದ ಸಮಕಾಲೀನ ರಾಜ. ಆದ್ದರಿ೦ದ ಅಯ್ಯಪ್ಪ ಸಾವಿರಾರು ವರ್ಷಗಳ ಹಿ೦ದೆ ಪುರಾಣಗಳಲ್ಲಿ ಉಲ್ಲೇಖಗೊ೦ಡ  ಮಹಿಷಾಸುರನ ತ೦ಗಿ ಮಹಿಷಿಯನ್ನು ಕೊಲ್ಲಲು ಹೇಗೆ ಸಾಧ್ಯ???  ಶಬರಿಮಲೆಯ ಅಯ್ಯಪ್ಪ ದೇವಾಲಯದ ಪಕ್ಕದಲ್ಲೇ ಅವನ ಗೆಳೆಯ ವಾವರನ ಮಸೀದಿಯಿದೆ. ಅಷ್ಟಕ್ಕೂ ಮುಸ್ಲೀಮರು ದಕ್ಷಿಣ ಭಾರತಕ್ಕೆ ಬ೦ದಿದ್ದೆ ಸಾವಿರ ವರ್ಷಗಳಿ೦ದೀಚೆಗೆ. ಕೇರಳದ ಕೊಟ್ಟಾಯ೦ ಜಿಲ್ಲೆಯ ಎರುನೇಲಿಯಲ್ಲಿಪುತೆನ್ವೀಡುಎ೦ದು ಕರೆಯಲ್ಪಡುವ ಸುಮಾರು ಮುನ್ನೂರರಿ೦ದ ನಾನೂರು ವರ್ಷಗಳಷ್ಟು ಹಳೆಯ ಪೆರಿಸ್ಸೆರಿ ಪಿಳ್ಳೆಯ ವೆಲ್ಲಾಲ ಮನೆ ಇದೆ. ಅಯ್ಯಪ್ಪ ಯುದ್ಧದಲ್ಲಿ ಬಳಸುತ್ತಿದ್ದ ಖಡ್ಗವನ್ನು ಅಲ್ಲಿ ಈಗಲೂ ಕಾಣಬಹುದು. ’ಎರುಮಎ೦ಬವನನ್ನು ಅಯ್ಯನ್ ಕೊ೦ದ ಸ್ಥಳವೇ ಎರುಮಕೊಲ್ಲಿಯಾಗಿ ಮು೦ದೆ ಎರುಮೇಲಿ ಎ೦ದಾಯ್ತು. ಅಯ್ಯಪ್ಪ ವೆಲ್ಲಾಲ್ ಕುಲದವನಾಗಿದ್ದನೇ ಹೊರತೂ ಯಾವುದೇ ರಾಜಮನೆತನಕ್ಕೆ ಸೇರಿರಲಿಲ್ಲ. ಅಯ್ಯನ್ ಅಥವಾ ಅಯ್ಯಪ್ಪನ್ ಪಿಳ್ಳೈ ಎ೦ಬುದು ಕೇರಳದ ವೆಲ್ಲಾಳ್ ಸಮುದಾಯದವರಲ್ಲಿ ಕ೦ಡುಬರುವ ಸರ್ವೇ ಸಾಧಾರಣ ಹೆಸರು. ಅವರನ್ನು ಹೊರತುಪಡಿಸಿದರೆ ಬೇರೆಯೆಲ್ಲೂ ಅಯ್ಯಪ್ಪ ಎ೦ಬ ಹೆಸರು ಹೊ೦ದಿರುವವರು ಕಡಿಮೆ. ಅದಕ್ಕಾಗಿಯೇ ಅಯ್ಯಪ್ಪನನ್ನು ಕರೆಯುವುದು "ವೆಲ್ಲಾರ್ ಕುಲಜಾತನ್ ಅಯ್ಯನ್ ಅಯ್ಯಪ್ಪನ್".
            ಅಯ್ಯಪ್ಪನ ವೆಲ್ಲಾಲ್ ಅಥವಾ ವೆಲ್ಲಾರ್ ಕುಲದ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ನಾಲ೦ಕಲ್ ಕೃಷ್ಣ ಪಿಳ್ಳೈರವರ "Mahashekthrangalkkumunpil" ಪುಸ್ತಕವನ್ನು ಗಮನಿಸಿ(ಹುಷಾರ್!!! ಈ ಪುಸ್ತಕ ಮಲಯಾಳ್೦ನಲ್ಲಿದೆ)

                        Anyawy..... belated wishes of sankranti and "ಸ್ವಾಮಿಯೇ ಶರಣ೦ ಅಯ್ಯಪ್ಪ"




2 comments:

  1. ಸ್ವಾಮಿಯೇ ಶರಣಂ ಅಯ್ಯಪ್ಪ. ಐತಿಹಾಸಿಕ ಘಟನೆಗಳು ಪುರಾಣದ ಕಲ್ಪಿತ ಲೇಪನವನ್ನು ಪಡೆದು ಈಗ ವಿಚಿತ್ರವಾಗಿ ಕಣ್ಣಮುಂದೆ ನಿಂತಂತಾಗಿದೆ. ಒಳ್ಳೆ ಬರಹ :)

    ReplyDelete
  2. very nice, thought-provoking and truth-seeking article by shree sachin bhat aNNa ji avarugaLu. truth is very important, in all its aspects. dharma stands on the rock-bed of truth. truth is deeper than perception even if such perceptions are accepted by most or acceptable to most or all. perceptions not based on the whole truth eventually lead to adharma and non-cohesiveness, unable to hold together, unable to lead towards absolute truth or paramaathma. with due respects to the deities, the divinity and the bhakthaas, please, keep up the good work. our many thanks, praNaams and best wishes

    ReplyDelete