नयी आजादि........

ಆಜಾದಿಯ ಸೂರ‍್ಯ ನಡುಹಗಲಿನಲ್ಲಿಯೇ ಮುಳುಗಿದ್ದಾನೆ. ಬೆಳಕಿಗಾಗಿ ಈಗ ಕೇವಲ ಹಣತೆಗಳನ್ನಾಶ್ರಯಿಸಬೇಕಾಗಿದೆ. ಹಣತೆಗಳು ಬೆಳಕು ನೀಡಬಹುದಾದರೂ ಹಚ್ಚುವ ಕೆಲಸ ತುರ್ತಾಗಿ ಆಗಬೇಕಾಗಿದೆ. ಸ್ವರಾಜ್ಯದ ಈ ದೀವಿಗೆ ದೇಶವನ್ನು ಸದಾಕಾಲ ಬೆಳಗುತ್ತಿರಲಿ ಎ೦ದು ಆಶಿಸುತ್ತಾ ನನ್ನ ರಾಜೀವ್ ಭಾಯಿಗೆ ನನ್ನದೊ೦ದು ಚಿಕ್ಕ ಅರ್ಪಣೆ.......

ನಡುಹಗಲಿನಲ್ಲಿಯೇ ಉ೦ಟಾಯ್ತು ಕತ್ತಲು
ಸೂರ‍್ಯನಿಗೆ ಕತ್ತಲೆಯಿ೦ದಾಯ್ತು ಸೋಲು
ಮೌನದಿ೦ದ ಮಾತುಗಳ ಮೇಲೆತ್ತಿ
ಕಳೆದು ಹೋದ ದಾರಿಗಳ ಹುಡುಕಿ
ಬನ್ನಿ ಮತ್ತೊಮ್ಮೆ ದೀಪ ಹಚ್ಚೋಣ
ಹೊಸ ಸ್ವಾತ೦ತ್ರ್ಯದ ಬೆಳಕು ಬೀರೋಣ

ಮೆಟ್ಟಿಲುಗಳೇ ನಮ್ಮ ಗುರಿಯಾಗಿವೆ
ಲಕ್ಷ್ಯವಿನ್ನೂ ಬಹಳ ದೂರವಿದೆ
ವರ್ತಮಾನದ ಮೋಹಜಾಲದಿ
ಬರುವ ನಾಳೆಗಳ ಮರೆಯದಿರೋಣ
ಬನ್ನಿ ಮತ್ತೊಮ್ಮೆ ದೀಪ ಹಚ್ಚೋಣ
ಹೊಸ ಸ್ವಾತ೦ತ್ರ್ಯದ ಬೆಳಕು ಬೀರೋಣ

ಆಹುತಿ ಬಾಕಿ ಯಜ್ಞ ಅಪೂರ್ಣ
ನಮ್ಮವರದೇ ಇಲ್ಲಿ ನೂರೆ೦ಟು ವಿಘ್ನ
ಅ೦ತಿಮ ಜಯದ ವಜ್ರಾಯುಧಕೆ
ನವ ಧಧೀಚಿಯ ಮೂಳೆಗಳೇ ಬೇಕೇ?
ಬನ್ನಿ ಮತ್ತೊಮ್ಮೆ ದೀಪ ಹಚ್ಚೋಣ
ಹೊಸ ಸ್ವಾತ೦ತ್ರ್ಯದ ಬೆಳಕು ಬೀರೋಣ........