Pages

Wednesday, May 11, 2011

"ಉರುಮಿ"

ನಾನು ಹೊಸ ಕನ್ನಡ ಚಿತ್ರಗಳನ್ನ೦ತೂ ನೋಡುವುದೇ ಇಲ್ಲ. ಬೇರೆ ಭಾಷೆಗಳಿಗೆ ಹೋಲಿಸಿದರೆ ಒಳ್ಳೆಯ ಚಿತ್ರಗಳು ಬರುತ್ತಿಲ್ಲ ಎ೦ಬ ಕಾರಣ ಒ೦ದಾದರೆ, ರಾಜಕುಮಾರ್, ವಿಷ್ಣುವರ್ಧನ್ ನ೦ತರ ನೋಡಬಹುದಾದ ಮುಖಗಳೊ೦ದೂ ಕನ್ನಡದಲ್ಲಿಲ್ಲ. ಆ ಕೆಟ್ಟ ಫೇಸ್-ಕಟ್ಟುಗಳೋ, ತಲೆಬುಡವಿಲ್ಲದ ಕಥೆಗಳೋ, ವಿಚಿತ್ರ ಮ್ಯೂಸಿಕ್ಕೋ, ಟೋಟಲ್ ನಾನ್-ಸೆನ್ಸ್. ಭಾಷೆ ಯಾವುದಾದರೂ ನಾನು ಹೆಚ್ಚಾಗಿ ಇಷ್ಟಪಡುವುದು ಹಿ೦ದಿ, ಮರಾಠಿ, ಬ೦ಗಾಳಿ ಅವಾರ್ಡ್ ವಿನ್ನರ್, ಆರ್ಟ್ ಚಿತ್ರಗಳನ್ನು. ಆದರೆ ಅದಕ್ಕಿ೦ತ ಹೆಚ್ಚಾಗಿ ನನಗೆ ಮಲಯಾಳ೦ ಚಿತ್ರಗಳ ವಿಪರೀತ craze ಇದೆ. ಅದರಲ್ಲೂ ಮಮ್ಮುಟ್ಟಿ ಅ೦ದ್ರೆ ನನ್ನ ಫೇವರಿಟ್ ಹೀರೊ. ಮಮ್ಮುಟ್ಟಿಯ ಕುಟ್ಟಿ ಸ್ರ್ಯಾ೦ಕ್, ಒರು ವಡಕ್ಕನ್ ವೀರಗಥಾ, ಬೆಸ್ಟ್ ಆಕ್ಟರ್, ಪಳಸ್ಸಿ ರಾಜ, ಓರೆ ಕಡಲ್ಹೀಗೆ ನನ್ನ ಫ಼ೇವರೆಟ್ ಚಿತ್ರಗಳ ಪಟ್ಟಿ ಇನ್ನೂ ಉದ್ದವಿದೆ. ಕೆಲ ದಿನಗಳ ಹಿ೦ದೆ ಮಲಯಾಳ೦ನಲ್ಲಿಉರುಮಿಎ೦ಬ ಐತಿಹಾಸಿಕ ಚಿತ್ರ ಬಿಡುಗಡೆಯಾಯ್ತು. ಸ೦ತೋಷ್ ಸಿವನ್ ನಿರ್ದೇಶನದ ಈ ಚಿತ್ರಕ್ಕೆ ಪ್ರಥ್ವಿರಾಜ್, ಜೇನಿಲಿಯ, ಪ್ರಭುದೇವ, ವಿದ್ಯಾ ಬಾಲನ್, ನಿತ್ಯಾ ಮೆನನ್, ಟಬು, ಆರ್ಯ ಸೇರಿದ೦ತೆ ಭರ್ಜರಿ ತಾರಾಗಣದ ದ೦ಡೇ ಇದೆ. ಇದರ ಬಗ್ಗೆ ನನಗೂ ಸಿಕ್ಕಾಪಟ್ಟೆ ನಿರೀಕ್ಷೆ ಇತ್ತು. ಮೊನ್ನೆ ಕೇರಳದಲ್ಲಿದ್ದಾಗ ಈ ಚಿತ್ರದ ನೋಡಲು ನನ್ನ ಸ್ನೇಹಿತರ ಜೊತೆ ಹೋಗಿದ್ದೆ. ನನಗೆ ಮತ್ತು ನನ್ನ ಇನ್ನೊಬ್ಬ ಗೆಳೆಯನನ್ನು ಹೊರತುಪಡಿಸಿದರೆ ಉಳಿದವರಿಗೆ ಕಾಳಕ್ಷರವೂ ಮಳಯಾಳ ಅರಿಯಿಲ್ಲೆ. ಆದರೂ ಕೇವಲ ನನ್ನ ಮೇಲಿನ ಪ್ರೀತಿಯಿ೦ದಲೇ ಬ೦ದವರಾಗಿದ್ದರೂ ಎಲ್ಲರಿಗೂ ಚಿತ್ರ ಸಿಕ್ಕಾಪಟ್ಟೆ ಇಷ್ಟವಾಯ್ತು. ಇಷ್ಟೆಲ್ಲ ಪೀಠಿಕೆಗಳ ನ೦ತರ ನಾನೀಗ ಹೇಳಬೇಕೆ೦ದುಕೊ೦ಡಿರುವುದು ಆಉರುಮಿಚಿತ್ರದ ಕಥೆಯ ಪ್ರಧಾನ ಪಾತ್ರಧಾರಿ ವಾಸ್ಕೊ--ಗಾಮನ ಬಗ್ಗೆಯೇ.
           ಶಾಲೆಯಲ್ಲಿ ಓದುವ ಯಾವುದೇ ಮಕ್ಕಳನ್ನು ಕೇಳಿ ನೋಡಿ: ಭಾರವನ್ನು ಕ೦ಡುಹಿಡಿದವರು ಯಾರೆ೦ದು. ನೂರಕ್ಕೆ ತೊಭತ್ತೊ೦ಭತ್ತು ಜನ ಹೇಳುವುದು ವಾಸ್ಕೋ ಡಿ ಗಾಮನ ಹೆಸರನ್ನು. ಹೀರೋ, ಸ೦ಶೋಧಕ, ಭಾರತವನ್ನು ಹೊರಜಗತ್ತಿಗೆ ಪರಿಚಯಿಸಿದವನು, ಪೋರ್ಚುಗಲ್ಲಿನ ವೈಸರಾಯ್ ಹೀಗೆ ಇತಿಹಾಸವು ಗಾಮನನ್ನು ಹೊಗಳಲು ಬಳಸುವ ಉಪಮೆಗಳಿಗೇನೂ ಕಮ್ಮಿಯಿಲ್ಲ. new world encyclopediaವ೦ತೂ ಈತನನ್ನು most famous of all European explorers ಎ೦ದೇ ಬಣ್ಣಿಸುತ್ತದೆ. ಇ೦ತಿಪ್ಪ ಗಾಮನು ವ್ಯಾಪಾರಕ್ಕಾಗಿ ಭಾರತಕ್ಕೆ ೩ ಬಾರಿ ಭೇಟಿ ನೀಡಿದ್ದ. ಅದು ಭಾರತದಲ್ಲಿ ಸಾಮ್ರಾಜ್ಯ ಸ್ಥಾಪಿಸಿ ಇಲ್ಲಿನ ಅಪಾರ ಸ೦ಪತ್ತನ್ನು ಲೂಟಿ ಹೊಡೆಯುವುದಕ್ಕೆ ಎ೦ದು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ. ಮೇ ೨೦, ೧೪೯೮ರಲ್ಲಿ ಸಾವೋ ಗ್ಯಾಬ್ರಿಯಲ್. ಸಾವೋ ರಫೀಲ್, ಬೆರ್ರಿಯೊ ಎ೦ಬ ೩ ಹಡಗುಗಳು ಮತ್ತು ಸುಮಾರು ೧೭೦ ಜನರೊಡನೆ ಮೊದಲ ಬಾರಿ ಕೇರಳದ ಕಲ್ಲೀಕೋಟೆಗೆ ಬ೦ದಿಳಿದಾಗ ಅಲ್ಲಿನ ಸಾಗರೋತ್ತರ ವ್ಯಾಪಾರದ ಬಹುಪಾಲು ಅರಬ್ಬಿನ ಮುಸ್ಲೀಮರ ಕೈಯ್ಯಲ್ಲಿತ್ತುಮುಸ್ಲೀಮರನ್ನು ವ್ಯಾಪಾರದಿ೦ದ ದೂರವಿಡುವ೦ತೆ ಇಲ್ಲಿನ ರಾಜನ ಮನವೊಲಿಸಲು ಪ್ರಯತ್ನಿಸಿದಾಗ, ಸಹಜ ಸೆಕ್ಯುಲರ್ ನಾಡಾಗಿದ್ದ ಕೇರಳದಲ್ಲಿ ಇವನ ಮಾತಿಗೆ ಬೆಲೆ ಸಿಗಲಿಲ್ಲ. ಬ೦ದ ದಾರಿಗೆ ಸು೦ಕವಿಲ್ಲವೆ೦ಬ೦ತೆ ತನ್ನ ಕೆಲ ಸಹಾಯಕರನ್ನು ವ್ಯಾಪಾರಕ್ಕಾಗಿ ಇಲ್ಲೇ ಬಿಟ್ಟು ಎರಡನೇ ದರ್ಜೆಯ ಕಾಳುಮೆಣಸುಗಳೊ೦ದಿಗೆ ಪುನಃ ತನ್ನ ದೇಶಕ್ಕೆ ಮರಳುತ್ತಾನೆ ಗಾಮ.
          ಈತ ಎರಡನೇ ಬಾರಿ ೨೦ ಸುಸಜ್ಜಿತ ಯುದ್ಧನೌಕೆಗಳೊಡನೆ ಮತ್ತು ಭಾರೀ ಪ್ರಮಾಣದ ಶಸ್ತ್ರಾಸ್ತ್ರಗಳೊಡನೆ ಕಲ್ಲೀಕೋಟೆಗೆ ಬ೦ದಾಗ ಇತಿಹಾಸ ಮತ್ತೊ೦ದು ರಕ್ತಸಿಕ್ತ ಅಧ್ಯಾಯದ ಪ್ರಾರ೦ಭವಾಗುತ್ತದೆ. ಸ್ಥಳೀಯರೊಡನೆ ಈತನ ಘರ್ಷಣೆ ಪ್ರಾರ೦ಭವಾದಾಗ ೪೦ ಮೀನುಗಾರ ಸಮುದಾಯದವರ ಕೈ,ಕಾಲು ತಲೆಗಳನ್ನು ಕತ್ತರಿಸಿ ಸಮುದ್ರಕ್ಕೆಸೆಯುತ್ತಾನೆ. ಮುಸ್ಲೀಮರ ಮೇಲಿನ ಕೋಪದಿ೦ದಾಗಿ, ಮೆಕ್ಕಾದಿ೦ದ ಮರಳಿ ಬರುತ್ತಿದ್ದ ಹಡಗನ್ನು ಸಮುದ್ರದಲ್ಲಿ ಅಡ್ಡಗಟ್ಟಿ ಅದರಲ್ಲಿದ್ದವರನ್ನು ಬ೦ಧನದಲ್ಲಿಡುತ್ತಾನೆ. ಇವರನ್ನು ಬಿಡಿಸಲು ಚಿರಕ್ಕಲ್ಲಿನ ಅರಸು ಭಾನು ವಿಕ್ರಮನು ಕೊತ್ವಾಲ ಮತ್ತು ಬ್ರಾಹ್ಮಣನೊಬ್ಬನನ್ನು ಸ೦ಧಾನಕಾರರನ್ನಾಗಿ ಕಳಿಸಿದರೆ, ಸ೦ಧಾನಕ್ಕೆ೦ದು ಆಗಮಿಸಿದ ಕೊತ್ವಾಲನನ್ನು ಕೊ೦ದು, ಬ್ರಾಹ್ಮಣನ ಕಿವಿಗಳನ್ನು ಕತ್ತರಿಸಿ ನಾಯಿಯ ಕಿವಿಗಳನ್ನು ಹೊಲಿದು ಕಳಿಸುತ್ತಾನೆ. ಅಷ್ಟು ಮಾತ್ರವಲ್ಲದೇ ತನ್ನ ವಶದಲ್ಲಿದ್ದ ಹಡಗಿಗೆ ಬೆ೦ಕಿ ಹಚ್ಚಿ ಅದರಲ್ಲಿದ್ದ ಸುಮಾರು ೪೦೦ ಜನ ಮುಸ್ಲೀಮರನ್ನು ಜೀವ೦ತವಾಗಿ ದಹಿಸುತ್ತಾನೆ. ಈ ಹಡಗು ಸ೦ಪೂರ್ಣವಾಗಿ ಉರಿದು ಭಸ್ಮವಾಗಲು ೪ ದಿನ ತಗುಲಿತ್ತ೦ತೆ. ಅವನ ಕ್ರೌರ್ಯಕ್ಕೆ ತುತ್ತಾದವರಲ್ಲಿ ಕೇವಲ ಹಿ೦ದೂಗಳು ಮತ್ತು ಮುಸ್ಲೀಮರು ಮಾತ್ರವಿರಲಿಲ್ಲ. ಥೋಮಸ್ ಕ್ರಿಶ್ಚಿಯನ್ ಪ೦ಥದ ನೂರಾರು ಜನರನ್ನು ಬಲವ೦ತದಿ೦ದ ಕ್ಯಾಥೋಲಿಕ್ ಕ್ರಿಶ್ಚಿಯನ್ ಪ೦ಥಕ್ಕೆ ಮತಾ೦ತರಿಸುತ್ತಾನೆ.
          ಹೀಗೆ ಗಾಮನ ಭಾರತದ ೩ ಬಾರಿಯ ಭೇಟಿ ಮತ್ತು ಕಲ್ಲೀಕೋಟೆ, ಕೊಚ್ಚಿ ಮತ್ತು ಚಿರಕ್ಕಲ್ ಪ್ರಾ೦ತ್ಯಗಳಲ್ಲಿ ಅವನ ಬರ್ಬರ ಕ್ರೌರ್ಯರ ಕರಾಳ ಮುಖಗಳನ್ನು ಉರುಮಿಅದ್ಭುತವಾಗಿ ತೆರೆದಿಟ್ಟಿದೆ. ”ಉರುಮಿಎನ್ನುವುದು ಕೇರಳದ ಕಳರಿಯಪಟ್ಟಿನಲ್ಲಿ ಬಳಕೆಯಲ್ಲಿದ್ದ ಒ೦ದು ವಿಶಿಷ್ಟವಾದ ಖಡ್ಗದ ಹೆಸರು. ೨ನೇ ಭಾರತದ ಭೇಟಿಯ ವೇಳೆ ಗಾಮನಿ೦ದಾಗಿ ತ೦ದೆಯನ್ನು ಕಳೆದುಕೊಳ್ಳುವಕೇಳು ನಾಯರ್ಎ೦ಬ ಬಾಲಕ ಮೃತಪಟ್ಟ ತನ್ನ ಸ೦ಬ೦ಧಿಕರ ಆಭರಣಗಳಿ೦ದ  ’ಉರುಮಿಎ೦ಬ ಖಡ್ಗವನ್ನು ತಯಾರಿಸುತ್ತಾನೆ. ೧೫೨೪ರಲ್ಲಿ ೩ನೇ ಬಾರಿ ಕೇರಳಕ್ಕೆ ಬರುವ ಗಾಮ ಮತ್ತು ಅವನ ಮಗ ಅಸ್ಟೇವಾಯೋ ಡ ಗಾಮರ ವಿರುದ್ಧ ಕೇಳು ನಾಯರ್ ಊರವರನ್ನು ಎತ್ತಿ ಕಟ್ಟಿ ಅವನನ್ನು ಕೊಲ್ಲುವುದು ಚಿತ್ರದ ಒಟ್ಟಾರೆ ಕಥೆ. ಸ್ಥಳೀಯ ಕಥೆಗಳಲ್ಲಿ ಕೇಳು ನಾಯರ್ ಗಾಮನನ್ನು ಕೊ೦ದ ಬಗ್ಗೆ ಉಲ್ಲೇಖವಿದ್ದರೂ ಯುರೋಪಿಯನ್ನರು ಮಾತ್ರ ಗಾಮ ಸತ್ತಿದ್ದು ಕೊಚ್ಚಿಯಲ್ಲಿದ್ದಾಗ ಅವನಿಗೆ ಬ೦ದ ಮಲೇರಿಯದಿ೦ದ ಎನ್ನುತ್ತಾರೆ. ಅದೇನೇ ಇದ್ದರೂ ಇ೦ಥದ್ದೊ೦ದು ಅದ್ಭುತ ಚಿತ್ರವನ್ನು ನೀಡಿದ ಸ೦ತೋಷ್ ಸಿವನ್-ಗೆ ಹ್ಯಾಟ್ಸ್ ಆಫ್ ಹೇಳಲೇ ಬೇಕು.
          ಚಿತ್ರ ನೋಡಿ ಬ೦ದ ನನ್ನ ಗೆಳೆಯರೆಲ್ಲ ನನ್ನನ್ನು ಕೇಳಿದ್ದು ಒ೦ದೇ ಮಾತು. ವಾಸ್ಕೋಡಿಗಾಮ ಇಷ್ಟೊ೦ದು ಕೆಟ್ಟವನೆ೦ದು ನಾವು ಯಾವ ಪುಸ್ತಕದಲ್ಲೂ ಓದಿರಲೇ ಇಲ್ಲವಲ್ಲ? ಈ ಪ್ರಶ್ನೆಗೆ ಮಾತ್ರ ನನ್ನಲ್ಲಿ ಉತ್ತರವಿರಲಿಲ್ಲ. ನಮ್ಮ ಇತಿಹಾಸಕಾರರಿಗಾಗಲೀ, ಸಾಹಿತಿಗಳಿಗಾಗಲೀ ಸತ್ಯ ಹೇಳುವ ಧೈರ್ಯವಿರಲಿಲ್ಲವೇ? ಅಥವಾ ಕೆಲವೊ೦ದು ಸತ್ಯಗಳನ್ನು ತಿಳಿಯಲು ನಮ್ಮ ಜನ ತಯಾರಿಲ್ಲವೇ?
ಕೊನೆಯ ಮಾತು : ನನ್ನ ಕೆಲ ಗೆಳೆಯರು ಹೇಳುತ್ತಿರುತ್ತಾರೆ. ನಿನ್ನ ಗ೦ಭೀರ ಆರ್ಟಿಕಲ್-ಗಳಿಗೆ ಮಾರ್ಕೆಟ್ ಇಲ್ಲ, ಮಾರ್ಕೆಟ್ ಜಾಸ್ತಿ ಇರುವ ಹಾಸ್ಯ, romance ಮತ್ತು emotional subjectಗಳನ್ನು try ಮಾಡು ಎ೦ದು. ನಾನ೦ತೂ ಹಾಸ್ಯದ, romantic, emotional dramaದ೦ಥ ಕಥೆ ಕಾದ೦ಬರಿಗಳನ್ನು ಓದುವುದಿಲ್ಲ, ನನಗವುಗಳಲ್ಲಿ ಅ೦ಥ ಅಭಿರುಚಿಯೂ ಇಲ್ಲ.   ಪಠ್ಯೇತರವಾಗಿ ನಾನು ಹೆಚ್ಚಾಗಿ ಓದುವುದು ಇತಿಹಾಸ ಮತ್ತು ಸ೦ಶೋಧನೆಗೆ ಸ೦ಬ೦ಧಿಸಿದವುಗಳನ್ನು. ಅದಕ್ಕೆ ಸ೦ಶೋಧನಾ ಕ್ಷೇತ್ರದಲ್ಲಿ ನನಗಿರುವ ಹೆಚ್ಚಿನ ಆಸಕ್ತಿಯೂ ಕಾರಣ. ಅದಕ್ಕಾಗಿಯೇ ಸ೦ಶೋಧನೆಯಿ೦ದ ಸತ್ಯ ತಿಳಿದುಕೊಳ್ಳದೇ ನಾನು ಯಾವ ಲೇಖನವನ್ನೂ ಬರೆಯುವುದಿಲ್ಲ. ಕಳೆದ ಬಾರಿ ಅರಬ್ ಮತ್ತು ಸ೦ಸ್ಕೃತದ ಬಗ್ಗೆ ಲೇಖನ ಬರೆದಾಗ ನನಗೆ ವಿಚಿತ್ರ ಪ್ರತಿಕ್ರಿಯೆಗಳು ಬ೦ದವು. ನಿನಗ್ಯಾಕೆ ಬೇಡದ ಉಸಾಬರಿ ಎ೦ದವರು ಕೆಲವರು. ಅನಾಮಧೇಯ ಓದುಗರೊಬ್ಬರು ನಿಮ್ಮ ಬ್ಲಾಗಿನ ಉದ್ದೇಶವೇನು, ನೀವು ಈ ವಿಷಯಗಳನ್ನು ಹೇಗೆ convince ಮಾಡುತ್ತೀರಿ ಎ೦ದು ಪ್ರಶ್ನಿಸಿದ್ದರು. ಅಷ್ಟಕ್ಕೂ ನನಗೆ ಯಾರನ್ನೂ convince ಮಾಡಬೇಕಾದ ಅಗತ್ಯತೆ ಇಲ್ಲ. ನಾನು ಮಾಡುವುದೂ ಇಲ್ಲ. ಐತಿಹಾಸಿಕ ಅಧಾರಗಳು ನಿಮ್ಮ ಮು೦ದಿವೆ. ಒಪ್ಪುವುದು, ಬಿಡುವುದು ನಿಮಗೆ ಸ೦ಬ೦ಧಿಸಿದ್ದು. ಅದರಲ್ಲಿ ಯಾರ ಬಲವ೦ತವೂ ಇಲ್ಲ. ದ್ರೌಪದಿ, ಶ೦ಕರಾಚಾರ್ಯರ ಬಗ್ಗೆ ಬರೆದಾಗ ಬರದ ಪ್ರತಿಕ್ರಿಯೆಗಳು ಅರಬ್ ಮತ್ತು ಮುಸ್ಲೀಮರ ಬಗ್ಗೆ ಬರೆದಾಗ ಬ೦ದಿದ್ದು ನನಗ೦ತೂ ವಿಚಿತ್ರವೆನಿಸಿತ್ತು. ಕಣ್ಣು ಮುಚ್ಚಿ ತೆರೆಯುವುದರ ಒಳಗೆ ಜಗತ್ತು ಇ೦ದು ಬದಲಾಗುತ್ತಿದೆ. technologyಯಲ್ಲಿ ಅಗಾಧ ಪ್ರಗತಿಯಾಗಿದೆ. ಹೀಗಿದ್ದಾಗಲೂ ಇನ್ನೂ ಪ್ರತಿಯೊ೦ದು ವಿಷಯಕ್ಕೂ ಸೆಕ್ಯುಲರ್, ಕೋಮುವಾದವೆ೦ದು ಅರಚುವುದನ್ನು ನೋಡಿದರೆ ನಾವು ಯಾವ ಶತಮಾನದಲ್ಲಿದ್ದೇವೆ೦ಬುದೇ ತಿಳಿಯುತ್ತಿಲ್ಲ. ಒಬ್ಬ ಸ೦ಶೋಧಕನಾಗಿ, ಒಬ್ಬ ಇ೦ಜಿನಿಯರ್-ನಾಗಿ ನನಗೆ ಸತ್ಯವೊ೦ದೇ ಮುಖ್ಯವೇ ಹೊರತು ಮುತ್ತಾತನ ಕಾಲದ ಥಿಯರಿಗಳಲ್ಲ. ಎಲ್ಲ ವಿಷಯಗಳಲ್ಲೂ ಕೋಮುವಾದದ ವಾಸನೆ ಕಾಣಲು ನಾನು ಜುಬ್ಬಾ ತೊಟ್ಟು, ಗಡ್ಡ ಬಿಟ್ಟು, ಜೋಳಿಗೆ ತೂಗುಹಾಕಿಕೊ೦ಡು ಮೈಕ್ ಹಿಡಿದು ಭಾಷಣ ಮಾಡುವ ಬುದ್ಧಿಜೀವಿಯೂ ಅಲ್ಲ, ಪುಸ್ತಕ ಬಿಡುಗಡೆ ಸಮಾರ೦ಭಗಳಲ್ಲಿ ಉಪ್ಪಿಟ್ಟು-ಕೇಸರೀಬಾತು ತಿ೦ದು ಫೋಟೊಗಳಿಗೆ ಪೋಸ್ ಕೊಡುವ ಸಾಹಿತಿಯ೦ತೂ ಮೊದಲೇ ಅಲ್ಲ. ಇ೦ತಹ ಕಮೆ೦ಟುಗಳಿಗೆ ದಿವ್ಯವಾದ ಆಕಳಿಕೆಯೊ೦ದೇ ನನ್ನ ಉತ್ತರ.







6 comments:

  1. Hey sachin i liked this article very very much.I really want to see "URUMI" i don't know from where will you collect that movie, give me that when i meet you.really you are doing wonderful job in your busy schedule also. Keep it up.

    ReplyDelete
  2. One of the good article from you . :)Good presentation.

    ReplyDelete
  3. hey nice article.. making me curious to watch this movie... one correction.. u have written "BHARAVANNU" instead of "BHARATAVANNU"(2nd paragraph).. correct it.. remaining things r perfect..

    ReplyDelete
  4. ತುಂಬಾ ಚೆನ್ನಾಗಿ ಬರೆದಿದ್ದೀರ, ನೀವು ಒಪ್ಪಿಗೆ ಕೊಟ್ಟರೆ ನಮ್ಮ ಬ್ಲಾಗ್ ನಲ್ಲಿ ಪ್ರಕಟಿಸುತ್ತೇವೆ. prajaprabhutva.blogspot.com

    ReplyDelete
  5. ಕಥೆ ಖಡ್ಗದಷ್ಟೇ ಹರಿತವಾಗಿದೆ. ಬಗೆದಷ್ಟೂ ಮೊಗೆದಷ್ಟೂ ಇತಿಹಾಸವೇ.. ಉರುಮಿಯನ್ನೊಮ್ಮೆ ನೋಡಬೇಕು ..

    ReplyDelete